«Aasen Opplevelser a/s» leiger Peer Gynt Galleriet
Roar Aasen og Per Egil Aasen, som står bak aksjeselskapet ”Aasen opplevelser”, har inngått avtale med 62 Nord om leige av Peer Gynt Galleriet på
Hellesylt, i fyrste omgang fram til 1. oktober. Det blir ope måndag 2. pinsedag.
Roar Aasen fortel at han har søkt permisjon i tre månader frå stillinga som rektor ved Blindheim Ungdomsskole for å satse på turistverksemd, både
av Peer Gynt Galleriet og ved Aasen Gård i Åsen. – Vi satsar på å drifte begge deler, i Åsen blir det hovedsakleg overnatting og meir
naturbaserte opplevingar mellom anna i Cinclus Park si aktivitetsløype. Ved Peer Gynt Galleriet blir det servering for enkeltpersonar, grupper,
og andre arrangement. Går det bra, kan leigeavtalen forlengast ut over 1. oktober, – seier Roar Aasen.
Mangel på betjening gjer at ikkje blir ope før måndag 2. pinsedag, men seinare blir det ope 17. mai og i alle høve kvar helg fram til 21. juni.
Då blir det kunstutstilling og dagleg drift ved Peer Gynt Galleriet, der også turistinformasjonen skal halde hus i sommaren.
