To trailerlass til Litauen
Tidleg i juni vart fyrste trailer med hjelpesending til Litauen lasta opp på Hellesylt. Innsamlinga til Lions Club resulterte i fullt bedehuset og meir enn eitt stort billass.
Under innsamlinga i april og mai var det enkelte som leverte 20 sekkar fulle med klede og bruksting, fortel Olga Taraldset, president i Lions Club Hellesylt. Også syklar og ski kom inn.
I bedehuset på Hellesylt som var oppbevaringsstad var det eit ”berg” av plastikksekkar, nær 300 til saman. Det vart for mykje å få med i eitt billass, så 18. juni var traileren tilbake på Hellesylt og henta resten.
