Sikra stamlaks til klekkeriet

Laurdag sikra elveeigarar og laksefiskarar seg mykje fin stamlaks til klekkeriet i Husøyna. 100 000 yngel skal framavlast for utslepp i elva neste år.

I at ni mann tok del i arbeidet med å drage kastenota gjennom Steimsholen, den mest brukte plassen for opptak av stamlaks. Det var sett mykje laks i elva.
Vassføringa var i største laget, men karane frykta at elva ville vere stor lenge om det sette inn med mildver og all snøen i fjella skulle bli til vatn.

Resultatet av dei fire notkasta vart 17 laksar, av det ti ho-fiskar. Den eine var ekstra flott og hadde nok rogn til kring 10 000 yngel, trudde elveeigar og sjef for klekkeriet Arne Korsbrekke. Etter ei veke i det store oppsamlingskaret ved Steimshølen, skal laksane fraktast til klekkeriet for stryking av rogn og mjølke.

Fangsten laurdag var ikkje nok så det må nye notkast til for å få nok laks og rogn til kultiveringsarbeidet, sa Arne Korsbrekke.