Stian Frøysa vann pokalen
Sunnylven Fotball heldt premiefest for dei yngste laga i klubben søndag. Rasmus Matvik`s minnepokal gjekk til Stian Frøysa.
Under premiefesten på Sunnylven samfunnshus søndag fekk 73 spelarar på sju lag sine fotballpremiar og diplom etter ein lang og flott sesong. Premiane vart delt ut av trenarar og oppmenn.
Kalender.
Sunnylven Fotball skal gje ut ein stor årskalender for 2012, nær ein meter høg og litt mindre i breidde. Under premiefesten vart det teke ei rekke lagbilder, for alle laga til fotballklubben skal pryde kalendaren, frå herre og damelag til mini 8 år. Plakatkalendaen er truleg i sal til advent.
Stian vann pokalen.
Stian Frøysa vann Rasmus Matvik`s minnepokal i 2011. I år vart den delt ut for tiande gong etter loddtrekning mellom spelarar som trenarane hadde nominert. Positiv haldning, god innsats og godt treningsframmøte er kriteriar for å bli nominert, noko Stian frå G12-laget oppfylte.
Tidlegare har desse blitt trekt ut som vinnarar: Leif Rune Tryggestad, Ingvild Guro Hole, Svein Erik Frøysa, Martine Tryggestad Forbord, Linn Helene Brekke, Markus Tryggestad Forbord, Henning Frøysa, Ingeborg Langeland og Håkon Elias Kjellstad.