Kandidat til Reiselivsperla 2012
Villa Norangdal, det vesle hotellet i Nebbedalen og ved inngangen til verdskjende Norangsdalen, er ei av 15 reiselivsbedrifter som knivar om å bli Reiselivsperla 2012. Avgjerda fell på Norges Varemesse på Lillestrøm 2- 4 mars.
Villa Norangdal har kultur og tradisjon i veggane. Hotellet vart bygt i 1885 og fram til 1960 – 70 åra var mange kjende personar innom dørene, både på gjennomreiser og lengre opphald.
Etter nokre år der drifta låg nede, vart hotellet opna på nytt i 2004.
Villa Norangdal er frå før tildelt Olavsrosa, og no kjempar bedrifta med 14 andre om ei ny, prestisjefylt utnemning.
Desse er nominert:
Frå nord: Vega Havhotell, Sorrisniva, Ongajoksetra.
Frå vest: Villa Norangdal, Walaker Hotell, Åmot Operagard.
Frå midt: Håholmen Havstuer, Stokkøya sjøsenter, Angvik Gamle Handelstad
Frå øst: Engø Gård Hotel & Restaurant, Dyna fyr, Herangtunet
Frå sør: Paulsens Hotell, Strand Hotell Fevik, Bokhotellet Lyngørporten.
-Perle er ikkje ein pris til ein fjord, eit fylke, stand eller tettstad. Det er ein pris til reiselivsbedrifter, for dei som har eit norsk produkt å selge i eit marked-, skriv juryen som bakgrunn for prisen.
Bli med og stem fram Villa Norangdal som reiselivsperle 2012 på denne linken: http://www.facebook.com/Reiseliv?sk=app_335927766439927&app_data=14%3B2455