Kjøper Peer Gynt Galleriet

Eit nytt aksjeselskap med over hundre små og store aksjonærar kjøper Peer Gynt Galleriet på Hellesylt. Det blir kalla inn til generalforsamling i det nye selskapet i løpet av mars.

Ei aksjonsgruppe for kjøp av Peer Gynt Galleriet på Hellesylt inviterte til kulturkveld på Sunnylven samfunnshus laurdag. Rundt 200 personar møtte der programmet baud på både kåseri og musikalske innslag.

Men ingen forlet salen før Øystein Ljøen, ein av fleire eldsjeler for kjøp av senteret hadde orientert om bygdemobiliseringa som har pågått med å skaffe aksjekapital. Eit kjøp har som hovedmål å sikra at kunstskatten etter Oddvin Parr forblir på Hellesylt, sa han.
Kjøpesum for kunstsenteret med tomt, bygning, kunst og anna inventar er framforhandla til 6.5 mill. kroner.

Resultatet av aksjeteikninga Øystein Ljøen presenterte, stadfesta at senteret vil bli kjøpt og at Peer Gynt-relieffa etter kunstnaren Oddvin Parr blir på Hellesylt. Og Ljøen var overvelda over responsen som til no hadde skaffa 2300 aksje til 2.3 mill. kroner.

-Eg trudde aldri eg skulle oppleve eit slikt engasjement, det har vore heilt utruleg. Dei siste tre vekene har det kome telefonar dagleg frå bedrifter og enkeltpersonar, både i og utanfor Sunnylven. Det er berre heilt fantastisk det som har skjedd, sa ein oppglødd Øystein Ljøen.

Hægstad Gård stod ferdig i 2002 og kosta kring 18. mill. kroner. Største aksjonær har vore Flakk Invest a/s, men dei ønskjer no å selge seg ut.
Utan dette selskapet hadde ikkje Peer Gynt Galleriet lege på Hellesylt i dag, sa Øystein Ljøen som trekte fram spesielt Egil Flakk som engasjert i arbeidet med å få reist kunstsenteret den gongen.
Kjøpesummen på 6.5 mill. kroner er ein grei sum, meinte han.