Premiefest for skiskyttarar.
Søndag inviterte skiskyttargruppa i Sunnylven IL til premiefest for sesongen 2012. Også fleire frå naboklubben Hornindal IL var til stades og fekk sine premiar i skiskyttarcupen.
Premiefesten på Sunnylven samfunnshus var avslutning på ein lang skiskyttarsesong. Det var premiering for skiskyttarcupen, lagsmeisterskap og utdeling av Villa Norangdal sine vandrepokalar.
I alt 30 skiskyttarar skulle premierast i Skiskyttarcupen der Sunnylven IL var arrangør av fire renn i Hyttehola. 22 deltakarar var frå arrangørklubben og 8 frå Hornindal IL.
Det var styremedlen i skiskyttargruppa, Inge Ann Nybø som stod for utdeling av premiane, dessertskåler frå Rosendal.
Litt ferre deltakarar vart premierte i klubbmeisterskapen og her var det medaljer og pokalar som var premiar.
Til sist vart vandrepokalane frå Villa Norangdal delt ut, hylster for øvingsammunisjon til kanoner på fregattar i sjøforsvaret. Desse vart i år delt ut for fjerde gong og gjekk til vinnarane i klubbmeisterskapen. Neste år blir dei tildelt til odel og eige etter loddtrekning mellom dei som har aksje i vandrepremiane.
Magne Brekke er leiar i skiskyttargruppa. Han tok over etter Rune Tryggestad på årsmøtet i Sunnylven IL sist vinter. Tryggestad har jobba fram eit flott skiskyttarmiljø i klubben og stått på for å reise eit topp moderande skiskyttaranlegg i Hyttehola.
Magne Brekke takka Tryggestad for innsatsen for sporten og overrekte han eit gåvekort.