Prestevikarar i Sunnylven og Geiranger

Kari Hop Fjæreide frå Bergen blir prestevikar i Sunnylven og Geiranger frå slutten av juni og i fem veker. Frå 30 juli tek Morgan Berg frå Ullern i Oslo over fram til 19. august.

Kari Hop Fjæreide er 26 år. Tidlegare har ho studert i USA i eit halvår, jobba for den norske misjonsalianse på Fillipinane og for Røde kors.

No studerer ho på Menighetsfakultetet på sjette året og er ferdig utdanna prest neste år.

Kari Hop Fjæreide har vore prestevikar på Røros, i Trondheim og i Tromsø.
I år blir det sommarjobb på Sunnmøre i Sunnylven og Geiranger og det gledar ho seg til. I 2006 reiste ho gjennom Hellesylt saman med ei elevklasse frå folkehøgskule. Staden gav eit godt inntrykk den gongen, seier ho.

Kari Hop Fjæreide blir prestevikar i soknet i fem veker fram til 30. juli. Då tek Morgan Berg over, for ho skal gifte seg i august, fortel ho.

Morgan Berg er studiekamerat og frå Ullern i Oslo. Han kjem frå sommarjobb i Nidaros og blir i Sunnylven og Geiranger fram til 19. august.