Vil rydde Hellesylt stadion
Fleire firma var interessert i ryddejobben på Hellesylt stadion, men berre eitt har kome med anbod. Stranda Gjennvinning & Transport A/S kan gjere jobben for 593.000,- kroner.
-Kostnaden er vel om lag som forventa, men vi skal kontrollrekne på anbodet. Firmaet kan starte på jobben 14. mai og har sett 30 kalenderdagar som tidsramme for jobben, opplyser kommunalsjef plan-/utvikling i Stranda, Steinar Belsby.
-Om arbeidet blir starta opp i mai avheng av om formannskapet finn pengar, vi har ikkje ei krone til jobben i dag, seier Belsby. Kan hende må saka heilt til kommunestyret.
Belsby synes øydelegginga på Hellesylt stadion er svært beklageleg og håper at rehabiliteringa kan kome i gong snart.