Sunnylven/Stranda tapte i Volda.

Volda1. avgjorde damekampen mot Sunnylven/Stranda i fyrste kvarteret med to raske skåringar. Stillinga til slutt vart 3-1.

Sunnylven/Stranda tok turen til Volda fredag for å møte Jens Dankertsen sine damer. Gjestane spela ein av sine beste kampar, men det var ikkje godt nok mot serieleiaren. Det vart for ”snilt” i starten og Camilla Aure fekk banke inn to mål for heimelaget før 15 minutt var gått.
Etter kvart jamna spelet seg ut og Sunnylven/Stranda var heilt på høgde. Det kunne blitt redusering då Anniken Hjellbakk Hole knuste til og målvakta til Volda1. slo ballen i tverrstonga og over.
Det vart med 2-0 til pause.

I andre omgang var det to jamngode lag som kjempa og også Volda-trenaren måtte ”jage” på laget sitt for å halde tempo og moral oppe.
Etter 60. minutt fekk Sunnylven/Stranda si redusering, fortent ved Birgitte Hagen.
Etter skåringa produserte dei raude/blå masse målsjansar, det var hellet som berga Volda1. frå fleire baklengsmål.
Kvarteret før slutt vart kampen avgjort då heimelaget skåra 3-1.

Spelemessig var det liten forskjel på dei to laga, det var opningsminutta som øydela for eit godt resultat og poeng for Sunnylven/Stranda.
Kampen var positiv trass tap med fleire på laget som viser god form. Stor kamp av Tina og Linda.
Torsdag er det bortekamp mot Herd.

Volda1. – Sunnylven/Stranda, 3 – 1 (2-0)
Mål Sunnylven/Stranda: Birgitte Hagen, (60.)

Sunnylven/Stranda:
Lillian Aasheim, May-Helen Hole, Linda Vågseter Bjørdal, Tina Jøsok, Silje Stadheim, Lena Gjerde, Anniken Hjellbakk Hole, Marte Lundanes, Inga Vik, Kirsti Frøysadal Hauge, Maria Berge.
Innbyttarar:
Christina Holmberg, Gro Mari Langleite, Kristin Ringdal, Birgitte Hagen.