Helsetkopen i Devold-reklame
Tom Erik Heimen har på vegne av Devold of Norway og filmselskapet Fantefilm søkt Stranda kommune om landingsløyve med helikopter på 1246 meter høge Helsetkopen i Sunnylvsbygda.
I og kring Helsetkopen skal det gjerast filmopptak til bruk i ei reklamekampanje for Devold sine flammehemmande ulltekstilar, skriv Heimen i søknaden til Stranda kommune.
Devold er mellom Europas leiande innan produksjon av slikt tøy, i tillegg til anna bekledning som undertøy, mellombekledning, sokkar og andre plagg mot kulde og varme.
Stranda kommune har innvilga søknaden. Løyvet gjeld i tidsrommet 10. til 31. oktober med inntil 12 landingar totalt.