Sunnylvingar sprang Oslo maraton
Kari-Anne Tryggestad Ryste og Hans Kristian Stadheim var mellom deltakarane i Oslo maraton laurdag. Begge representerte Sunnylven IL og kom i mål til gode plasseringar i halvmaraton.
Kari-Anne Tryggstad Ryste deltek stadig i lange løp og representerer Sunnylven IL. I Oslo vart det halvmaraton og 21.1 km. laurdag. Ho sprang inn til 5. plass og tida 1.34.14. Ei sterk tid og flott plassering mellom 373 som fullførte i klassa 45 – 49 år.
Også Hans Kristian Stadheim sprang halvmaraton for fyrste gong. Det vart 16. plass i klasse 24 – 29 år på tida 1.19.51, om lag fem minutt etter klassevinnaren og der 1373 fullførte.
Ryktet fortel at Lyn/Sunnylven IL-løparen hadde eit godt støtteapparat langs løypa med Peder Nevestad og Northug-trenar Eirik Nossum.
Vi gratulerer begge med flott innsats i Oslo maraton.
