Storfint 4-H besøk frå USA

Fjellrosa 4-H har i sommar hatt besøk av ein utvekslingsstudent frå USA. Samantha Hyronimus skal også delta på 4-H sin landsleir i Tautra i Nord-Trøndelag.

Av Anette Frøysa – 18.07.2014 14:59:46
18 år gamle Samantha Hyronimus kjem frå South Dakota i USA. Under opphaldet i Sunnylven har ho budd hos Inga Elise Vik på Hellesylt. Utvekslingsstudentar kjem frå ulike land til Norge annakvart år og i år har seks personar frå USA besøkt ulike stader i landet.

I høve besøket i Norge skal Samantha også delta på den årlege landsleiren til 4-H som i år blir arrangert i juli i Tautra Nord-Trøndelag. Der deltek også to medlemer frå Fjellrosa 4-H, Anne Grete Langleite og Anette Frøysa. I dette høve har Fjellrosa 4-H sponsa og overrakt ei leirbukse til Samantha som takk for besøket. Samantha vart veldig glad og skal ta med seg gåva som eit av minna tilbake til South Dakota.