Kyrkjeklokka kalla svært mange til familiegudsteneste i Sunnylven kyrkje julaftan.

Den høgreiste trekyrkja i Sunnylven var nesten fullsett julaftan. Både fastbuande og heimvende julegjestar møtte fram trass i det våtsame veret for å høyre juleevangeliet lese og oppleve kjende og kjære julesongar.

Sokneprest Stein Karstensen heldt preika og ungdomskoret Joyful og Sunnylven skulekorps tok del med song og musikk. Ved kyrkjeorgelet sat Lars Kvam Karbø. Tonefølgje til salmen «Mitt hjerte alltid vanker» var ei lita preike i seg sjølv.