Norges vassdrags- og energidirektorat kjem til Sunnylven og Geiranger i slutten av juni for synfaring av fire kraftverksprosjekt, og ei ny overføringslinje mellom Tomasgard og Tryggestad.

I slutten av juni kjem NVE til Stranda kommune der det blir synfaring av fire omsøkte utbyggingar av kraftverk. Kraftverka det er søkt om konsesjon for er Langedalen kraftverk (20.4 GWh), Hauge kraftverk (15.50 GWh), Røyrhus kraftverk (6.95 GWh) og Storfossen minikraftverk (5.60 GWh) i Geiranger. Dei fire prosjekta vil til saman gje 48.45 GWh ny, rein energi.

NVE vil også sjå på SFE Nett AS sine planar for ny kraftleidning mellom Tomasgard i Hornindal og Tryggestad i Sunnylven.