Haustfest i Fjellrosa 4H
Det var som vanleg mykje folk samla når Fjellrosa 4H hadde haustfesten sin på Hauge Grendahus laurdag. 17 utstillingar vart presentert, og ein medlem fekk plakett.
Organisasjonsrådgjevar i fylket, May Britt Skjortnes var godt fornøgd med kvaliteten på utstillingane på haustfesten til Fjellrosa 4H, og det kan vi godt forstå. Det ligg utan tvil mykje arbeid bak, og det var stor variasjon i oppgåvene ; alt frå husdyr til fletting av hår.
Johanne Tryggestad har vore med i 4H sidan 4-klasse og vart i år plakettvinnar med utstillinga si «Fotografen».
Klubbrådgjevar Silje Stadheim fortel at Fjellrosa 4H no har 6 kløvermedlemmar og at 4 av desse går opp som aspirantar til neste år. Så det lovar godt for rekrutteringa til klubben.
I tillegg til mange flotte utstillingar var det og program og servering.
Her er alle utstillarane:
| Nikoline Hellebostad | Aspirant | Aspirant 1. år |
| Ørjan Hauge | Aspirant | Aspirant 1. år |
| Helene Hellebostad | Husdyra | Aspirant 1. år |
| Sverre Martin Røyrhus | Aspirant | Aspirant 2. år |
| Johan Marius Alme | Bli med ut | Aspirant 2. år |
| Ida Susann Tronstad | Form og fantasi | Aspirant 2. år |
| Elias Helset | Husdyra | Aspirant 2. år |
| Emil Frøysa | Bakeren | Aspirant 2. år |
| Anna Storstein Forbord | Fritt val – Fletting av hår | Bronsemerke |
| Sofie Kvamme Knutsen | Friluftsliv | Bronsemerke |
| Adrian Spjelkavik | Fotografen | Bronsemerke |
| Olai Sætreås Kristoffersen | Friluftsliv | Bronsemerke |
| Renate Øksvang | Friluftsliv | Bronsemerke |
| Isak Frøysadal Hauge | Friluftsliv | Bronsemerke |
| Ottar Frøysa Hellebostad | Fritt val – Skogsarbeid | Fagskjold gull |
| Ole Iver Kjellstad | Motorsag | Fagskjold gull |
| Johanne Tryggestad | Fotografen | Plakettnål |
