Damelaget opna med 10 – 0

Olene Lade, lengst til høgre heldt leikegrind med Emblem i årets fyrste seriekamp (Foto frå oktober 2017)

Det vart braksiger for samarbeidslaget Stranda/Sunnylven då damene sparka i gong årets serie på Stranda stadion. Emblem vart sende heim med tap 10-0 (4-0).

Olene Lade storspela og vart toppskårar i kampen med 6. mål. Amalie Ringdal Birkhol noterte seg for 2 mål, Maria Vangen og Ingrid Slettebakk Urke skora 1 mål kvar. Dermed 10-0 etter 4-0 ved pause.

Stranda IL og Sunnylven IL stiller felles damelag også i år, slik dei har gjort sidan 2012. Til årets serie i 4. div er laget meldt på som 9er fotball, slik også fleire andre lag i avdelinga har gjort.

4. mai på Hellesylt stadion

Utan om dei fire målskårarane stilte Stranda/Sunnylven med dette mannskapet til kampen mot Emblem: Lillian Aasheim, Maria Sortland Ibrahim, Silje Kristin Stadheim, Madelen S. Frøysadal Hauge, Andrea Lie Kirkhorn.

Innbyttarar: Andrea Kjellstad, Ragnhild Årvik, Renate Hellebostad, Bertine Lade, Alexandra Rødset.

Desse spelar i damer avd. 4. Sunnmøre: Stranda/Sunnylven 9er, Valder, Herd 3, Stordal, Hødd 2, Aksla, MSIL 9er, Ørsta, Bergsøy/Tjørvåg/Gursken 9er, Emblem 9er.

For Stranda/Sunnylven er neste kamp borte mot MSIL 26. april, og deretter heimekamp på Hellesylt stadion mot Aksla som er flytta frå onsdag 2. mai til fredag 4. mai. Kampstart er 18.30.

 

 

Fredrik Stadheim

Fredrik Stadheim

Fredrik Stadheim. epost: fredrik@hellesylt.info Telefon: 900 83 380