Category: Notiser

Siste offisielle opningsdag

Trio Avec besøkte Peer Gynt Galleriet laurdag kveld som var siste offisielle opningsdag denne sesongen. Wibeke Oshaug, Leiv Prestvik og Olav Elling Gausdal laga flott stemning med sine viser og dansemusikk. Berre 40 betalande kom for å høyre på.

22 gjekk til Shell

Sunnylven sanitetslag og Sunnylven IL trim sin trimtur torsdag frå Hellesylt sentrum til Shell-kaia og tilbake samla 22 unge og eldre i alder 3 til 82 år. Etter turslutt fekk deltakarane frukt og drikke, spandert av arrangørane.

Eit par briller.

På vegen like ved Sunnylven IL sin trimpost ved Shell på Korsbrekke er det funne eit par briller, truleg pluss 1.5 – 2.0. Brillene heng på trimkassa.

Seriekamp 3. div. kvinner

Stranda/Sunnylven møter Aksla/Fortuna i seriekamp 3. div. kvinner på Hellesylt stadion onsdag 23. september. Kampstart er kl. 19.00 Aksla/Fortuna ligg på 2. plass, Stranda /Sunnylven har 4. plass på tabellen.

Tid i mål Oslo maraton

Kari-Anne Tryggestad Ryste, Sunnylven IL kom i mål på 3.36.37 i sin fyrste heile Oslo maraton. Det gav 3. plass i kvinner K 45 – 49, eller nr. 60 totalt uansett klasse.  

På rulleski Trollstigen Opp

Kristine Hjellbakk Hole og Inger Ringdal Sæter, begge Sunnylven – ski deltok i rulleskirennet Trollstigen Opp 2015 søndag 20. september. Kristine var nr. 2. i klasse 14 år, Inger fekk 4. plass i klasse 16 år.  

Røystestader i Stranda kommune

Det er fire røystestader i Stranda kommune ved kommunestyre –og fylkestingsvalet 14. september 2015. Liabygda –Ungdomshuset kl. 12.00 – 18.00 Ringstad – Storfjord kulturhus kl. 09.00 – 20.00 Hellesylt – Sunnylven samfunnshus kl. 09.00 – 18.00 Maråk – Geiranger skule kl. 09.00 – 15.00

Vedtok reguleringsplan

På siste kommunestyremøte i Stranda 2. september vart reguleringsplanen for Hellesylt sentrum vedteke mot ei stemme (Frp). Vedtaket var i samsvar med innstilling frå Fast utval for plansaker med eit ekstra punkt 4: « Det regulerte offentlege parkeringsarealet på tomta til Hellesylt Turistsenter vert endra til privat parkering»