Opplysningstavle for Verdsarven på plass

Jørn Kjersheim t.v. og Stein Ove Tangen stod for montering av Verdsarvtavla på Hellesylt.

Jørn Kjersheim t.v. og Stein Ove Tangen stod for montering av Verdsarvtavla på Hellesylt.

På Hellesylt er opplysningstavla for Verdsarvområdet på plass ved Hellesylt bro. Skilta som har opplysningar om Verdsarvområdet, er tinga og kosta av leiinga i organisasjonen.
-Dette er millimeterarbeid,- seier dei to som stod for monteringa, Stein Ove Tangen og Jørn Kjersheim. Begge er tilsett i Moldefirmaet Arkeo Plan som har utarbeidd og produsert informasjonsskilta. Hellesylt er innfallsporten til Verdsarvområdet Geirangerfjorden med omland og har fått dei flotte opplysningstavlene på plass. Dei er laga i glas, montert på metallrør og med opplysningar om dei mange turrutene i området, om Verdsarvområdet, og om Fjord 1 og ferjeruter mellom Hellesylt – Geiranger. Sokkelen tavlene står på er ordna av ein lokal maskinentrepenør av solide steinheller av ekte granitt.

Turruter
Sjølv om tavlene er i glas, er dei svært sterke for ytre påkjenningar som ver og vind, seier Tangen og Kjersheim. Dei fortel at i Geiranger er det montert opp liknande informasjonstavler, og i Norddal kom den på plass i fjor. Snart står også Valldal for tur. Arkeo Plan har liknande oppdrag for Verdsarvområdet i Nærøyfjorden.
Moldefirmaet har også levert turpostkasser og skilt til merking av ræser for fotturar som ligg innafor Verdsarvområdet. Oppsetjing av desse blir gjort av personar frå idrettslaget.

Fredrik Stadheim

Fredrik Stadheim

Fredrik Stadheim. epost: fredrik@hellesylt.info Telefon: 900 83 380