Fleire besøkte laurdagskafèen

Mange var innom Sunnylven sanitetslag sin laurdagskafè på samfunnshuset, ein sosial treffstad over ein kopp kaffi med noko attåt.

Det var ikkje lange køer framfor kakebordet til Sunnylven sanitetslag laurdag. Ein strålande haustdag var nok årsak til at mange hadde gjeremål ute, jakt, innhausting av dyr eller avling, eller folk var ute på tur.
Arrangøren sa seg likevel nøgd med oppslutninga, og alle som var innom kunne kjøpe lodd på tombolagevinstar, eller velge mellom fleire gode kaker eller karbonadesmørbrød til kaffien. Pølse med brød , saft og brus gjekk også unna, spesielt til dei yngste besøkande.
Over nyttår blir det ny laurdagskafè med Sunnylven sanitetslag.