Heim frå Oaldsbygda

Torsdag kveld kom fyrste båtlast med sau og lam frå sommarbeite i Oaldsbygda. Knappe 300 av 420 slepte dyr var om bord i ferja ”Vestveg to”.

To bønder på Tryggestad har i mange år leigd sommarbeite for sauene sine i Oaldsbygda. Til den fråflytta bygda ved Sunnylvsfjorden blir dyra frakta med bil og båt begge vegar.
Eit ti-talls personar var med på hovedsankinga fyrste veka i september. Etter to dagar vart knappe 300 dyr resultatet, så ”jakta” på fårikål-og pinnekjøtemne til jul vil halde fram.
Mange fine lam kom heim til kai på Hellesylt torsdag der fleire skodelystne tok i mot.