Fekk pengar til gapahuk
Under juleavslutninga vart elevrådet og Sunnylven skule overrekt ein gåvesjekk på 10.000 kroner frå Sparebanken Møre.
På uteområdet ved Sunnylven skule er det planlagt å bygge ein gapahuk. Den rause gåva frå Sparebanken Møre var såleis eit kjærkome bidrag til finansiering av tiltaket.
Det var banksjef Stig Tryggestad som stod for overrekkinga, og leiar i elevrådet Ida Katrin Brekke tok i mot og takka på vegne av skulen.