Juleverkstad ved Sunnylven skule
Torsdag var Sunnylven skule nesten som julenissen sin verkstad. Elevar med motorikk og kreativitet, og med god rettleiing frå lærarar, vart det både baka og laga juleting av beste slag. Matpausen under juleverkstaden tok Sunnylven sanitetslag seg av.
Det vart eit stort utval av flotte juleting som vart laga under Sunnylven skule sin juleverkstad også i år. Mange av dei var julegåver til andre heime, kunne nokre elevar røpe. Over alt både inne og ute på heile skulen var det aktivitet og god stemning. Inne på eit av klasseromma laga dei julekransar av grøn, frisk tuja, stasa opp med fargeglade band. Mange kan glede seg til å få heim ein fin krans til døra heime til jul.
Også småfuglane kan gå vinteren ljost i møte om den skulle sete inn for fullt, for på snikkarverkstaden vart det produsert ”fuglematarar” i stort antall. Andre elevar laga ”kremmarhus”, klare for påfyll av julegodteri, og på skulekjøkkenet fann vi bakarane av flatbrød og ”kvefsebol”.
I lavvo`en ute bak skulen vart det støypt julelys i fleire variantar, også snurra og dekorerte. Flotte arbeid, så kanskje kjem nokre av julegåvene der i frå?
Dette var berre litt av det som foregjekk under Sunnylven skule sin juleverkstad.
Mykje førebuing frå lærarane låg nok bak, men så vart det ein triveleg dag som elevane såg ut til å vere godt nøgde med.
Som vanleg under den årvisse juleverkstaden sytte Sunnylven sanitetslag for god og næringsrett servering til alle ved skulen. På menyen stod grovt brød, ost, kjøttpålegg, kakao og mandarin.
F