God julehandel på Hellesylt.

Julehandelen på Hellesylt har vore god med ein liten auke ved alle forretningane i høve til i fjor.

Oddbjørn Tryggestad ved Coop Marked, Hellesylt fortel om ein litt treg start på julehandelen fyrst i desember. Framover mot jul tok den seg imidlertid godt opp, så totalt vart salet betre enn same månad i fjor, seier han.
Coop Marked sel lite gåveartiklar, det går mest i mat og andre hushaldningsvarer. I 2008 vart butikken på Hellesylt rusta opp for rundt 2.5 mill. kroner.

Også Spar Ringdal & Co har hatt god julehandel i år. Også der viser tala god auke i omsetninga i høve til i fjor, fortel Svein Sporstøl. Butikken sel berre kolonialvarer. Også ved Spar Ringdal & Co vart butikken bygd om og fornya for eit betydeleg beløp i fjor.

Heidi Hauge ved Søm Service / Gavebuda fortel også om ein julehandel som forventa, at mange var innom for å handle gåveartiklar og pyntegjenstandar til jul. Gåvebuda har sal på ein del varer med opptil 50 % avslag. Salet varer ut januar månad.