Olsokfeiring i Bygdetunet
Onsdag 29. juli blir det tradisjonell olsokfeiring i bygdetunet med både servering og underhaldning.
Fredrik Stadheim – 27.07.2009 11:04:46
Bygdetunets Venner står bak markeiringa av olsok i Hellesylt Bygdetun også i år. Her vil det på onsdag bli tradisjonell, velsmakande servering med rømmegraut, kaffi og kaker. Det fortel ”vaktmeister” i kulturtunet, Karl Johan Øie.
Olsokfeiringa startar kl. 18.00. I programmet fortel sokneprest Svein Runde om 150- årsjubilanten Sunnylven kyrkje og markeringa av jubileet, og Ruth Hole Aaland om diktaren Henrik Ibsen sitt besøk i Sunnylven som vart til skildringar i ”Brand”.
Pater Arnfinn Haram er på reise, men truleg rekk han tilbake til Stranda og Sunnylven til olsok, og då vil han bidra i programmet med song.
Karl Johan Øie håper på godt ver og at mange tek turen innom Bygdetunet onsdag kveld. Om det skulle bli dårleg ver, vil samlinga bli i låven.
