Fyrste tunellsalve på Ringdal Kraftverk

Denne veka starta tunelldrivinga frå stasjonsområdet på Ringdal Kraftverk. Utanom at kulden hemmar framdrifta, går arbeidet som planlagt.

Tysdag small den fyrste salva der kraftverktunellen kjem ut i stasjonsområdet. Noko sikringsarbeid og i tillegg kulde hemmar framdrifta litt i staten, seier Jon Grebstad i Volda Maskin som har oppdraget med tunelldrivinga.

Grebstad fortel at tunellen har eit kvadrat på 20 meter frå opninga og i 250 meters lengde. Deretter går ein over til 12 kvadratmeter opning. Frå inntaket i Moldskreddalselva på Ringdal er tunellen enno litt mindre.

Når arbeidet kjem i gong for fullt og om fjellet er bra reknar Grebstad med at dei skal drive ut 10 meter for dag.
Han håper dei møtest med tunellane i fjellet, for no jobbar dei frå begge endar.
Jon Grebstad trur Volda Maskin har gjort jobben til sommarferien i år.