av Rekneskapen for 2009 viser godt driftsresultat for meieriselskapet TINE. Mjølkebønder kan vente seg ei hyggeleg etterbetaling både på kumjølk og geitmjølk på leveranser innafor kvote.
Fredrik Stadheim – 01.02.2010 22:44:39
Det går mot eit svært godt driftsresultat for TINE i 2009, fortel styremedlem i hovedorganisasjonen TINE og styreleiar i TINE Meieriet Vest, Jan Ove Tryggestad. Akkurat kor stort øretillegget pr. liter blir vil han vente med, men tala er positive.
Alle mjølkebønder kan vente seg eit positivt tillegg på februaroppgjøret med utbetaling i mars, seier han.
I tilleg har det solide meieriselskapet sett av kapital til fleire store investeringar rundt om i landet.
Godt sal og god kostnadskontroll er medverkande til resultatet. Det er foredla produkt som yoghurt, uht og dessertar som har hatt størst framgang, men også ostesalet har hatt framgang. Også brunostsalet har auka etter nokre år med nedgang eller stagnasjon, fortel Jan Ove Tryggestad.
Fram over vinteren blir det halde produsentmøter der det blir orientert meir om driftsresultat og saker frå meieriselskapet. For Sunnylven og Stranda produsentlag blir møtedag truleg 16. mars.
