Tivoli under Sommardagane

Sjølv om vinteren har eit godt grep framleis, blir det jobba med programmet til sommardagar på Hellesylt. Mykje er klart alt no.

Fredrik Stadheim – 17.03.2010 15:44:53

Thomas tivoli er tilbake under Sommardagar på Hellesylt 9. – 11. juli. I fjor var det mange som sakna ”Den rosa karavanen” og alle dei morosame aktivitetane tivoliet kan by fram på grusbana. No kjem det tilbake og riggar opp tidleg i veka før sommardag-helga.

Til konserten i Sunnylven kyrkje som er fyrste post på programmet fredag kveld har arrangøren fleire kjende artistar ”på blokka”. Etter det vi forstår blir det ei avgjer i løpet av kort tid kven publikum får høyre under kyrkjekonserten i år.

Tidlegare er det kjent at det blir World Cup i fjellflyging frå Helsetkopen under sommardagane. Eit spektakulært innslag som samla svært mykje folk i fjor då NM i fjellflyging vart arrangert for fyrste gong frå det vel 1200 meter høge fjellet.