Trimtreff på ny trimpost

–

Tidlegare i vinter var det trimtreff på Høgane med stort frammøte. Søndag 25. april inviterer trimgruppa i Sunnylven IL til treff på Nausane, ein ny og sentrumsnær trimpost.

Fredrik Stadheim – 22.04.2010 23:11:35

Nausane er gamle sætretufter for gardane på Korsbrekke. Alt av sæterhus er borte og mykje av den vesle sætervollen har grodd til med kjerr og skog.

I fjor var det dugnad på å rydde råsa til Nausane. Den startar frå gamle bygdavegen ved Formvac og går oppover langs med bekken i Kremmargjølet.
Sætrestølen ligg på 240 meters høgd, og her vil den nye trimposten bli plassert. Det blir den 24. posten til Sunnylven IL og gjev 5 poeng.

Søndag blir det offisiell opning av trimposten kl. 13.30.
Registrering blir mellom kl. 13.00 og 14.00, og det blir trekt ut premiar mellom dei frammøtte, melder trimgruppa.