Klare med rømmegraut

Sunnylven Bygdekvinnelag førebur seg på godt sal av rømmegraut under Sommardagane laurdag. Også ein porsjon spekemat føl det alltid like velsmakande måltidet.
Omlag 150 liter ferdig rømmegraut blir laga til for sal i ”nyesalen” på samfunnshuset laurdag. Med sukker, kanel, rosiner, ei god ause flytande smør og ein porsjon spekemat, ein pinn på grauten, er det eit minnerikt måltid som mange brukar å få med seg under Sommardagar på Hellesylt.
Bygdekvinnelaget sel også kaffi og heimebaka harding.