Ikkje gaupespor på Røyrhus

Sporavtrykka som vart observert i snøen på Røyrhus nyleg, var ikkje gaupespor. Det slår fjelloppsynsmann Lars Olav Lund i Direktoratet for Naturforvaltning fast.

Rovviltkontakt i Stranda kommune John Langeland sende inn både bilete og rapport på spora og har fått svar tilbake. Spora var etter eit hundedyr slår Lars Olav Lund fast. Han er sikker i si sak, det var symetriske spor med kloremerke. Spor etter gaupe i vanleg gange viser ikkje klør i motsetning til hund eller rev.

Då der ikkje er hundar på Røyrhus er det mest truleg ein litt stor rev som har luska rundt, seier John Langeland.