Fekk bankgåve
Under pensjonistfesten på Hellesylt søndag, vart Sunnylven sanitetslag overrakt 10.000.- kroner frå Sparebanken Møre. Ei gåve som kom svært overraskande på leiinga i det driftige sanitetslaget.
Det var banksjef Stig Tryggestad som bar fram gåva av Sparebanken Møre sine utbyttemiddlar.
Tryggestad rosa sanitetslaget for mykje positivt arbeid for folket i Sunnylven, og for godt samarbeid med banken i fleire samanhengar.
-Som oftast er det sanitetslaget som deler ut gåver. I dag vil Sparebanken Møre gje ei gåve tilbake-, sa Stig Tryggestad og overrakte beviset på 10.000.- kroner.
Kari Hauso Stadheim tok i mot og takka på vegne av laget.
-Dette var like overraskande som om vi hadde fått medalje i VM på ski. Vi visste ingen ting om dette, men det er ei oppmuntrande påskjønning som vi set stor pris på og takkar så mykje for-.
