Hødd til Sunnylven
Hødd kjem til Hellesylt onsdag 7. september for å spele treningskamp mot Sunnylven herrer på Hellesylt stadion. Kampen er del av markeringa kring ny kunstgrasbane.
Sunnylven IL håpa å få Hødd på besøk til den offisielle opninga av kunstgrasbana på ”nye” Hellesylt stadion som blir laurdag 11. juni.
Det gjekk ikkje, men Hødd kjem med A-laget sitt onsdag 7. september for å spele treningskamp mot Sunnylven, fortel leiar i Sunnylven Fotball, Steinar Hjelle.
I tillegg til herrekampen, skal Hødd ta del i treningar med aldersbestemte lag og fortelje om korleis klubben frå Ulsteinvik driv sin aktivitet i yngres avdeling.