av
Alle har sine dagar gjennom året, også dei som svingar seg til song og musikk. Fredag 29. april var det ”Dansens dag” og det markerte dansegruppa i Hellesylt ungdomslag med opptreden for bebuarane på Sunnylven omsorgsenter.
Dansegruppa i Hellesylt ungdomslag tel mange aktive og har haustar anerkjenning og prisplassar i konkurransar stadig vekk. Astrid R. Ringdal er eldsjel og hovedleiar for den store danseaktiviteten i laget.
Fredag var ho saman med nokre foreldre på plass med yngste gruppa for å øve og underhalde bebuarane ved Sunnylven omsorgsenter. Astrid hadde ikkje med seg alle denne gongen, det er stort aktivitetsnivå mellom dei unge i bygda, mellom anna var fleire på fotballtrening.
Men dei som var til stades laga stemning, og ”Dansens dag” vart ei triveleg stund for mange av bebuarane i det fine veret på plassen framfor inngangen. Og på 17. mai lovar dansegruppa på nye framsyningar, både ved omsorgsenteret og andre stader i Hellesylt.
