Sunnylvsbygda grendalag pussar opp
Den store møtesalen i Sunnylvsbygda grendahus blir pussa opp. Taket i salen blir senka og veggar og gardin får nye, friske fargar.
Dugnadsgjengen har alt lagt ned fleire timars arbeid i grendahuset på Hauge med både hammar og målarkost.
Taket i storsalen får lyddempande plater og senka ein halv meter. Veggane blir friska opp med ljose fargar, og det blir nye gardin i alle glas.
Når jobben er gjord, blir det vel markering med fest, og testing om nokon rekk med hæla i taket då….