Blåtur til Aasen Gård

Laurdag inviterte Sunnylven bygdekvinnelag medlemane på ny og ukjend utflukt. Blåturen i år gjekk til Aasen Gård.

Eigar Roar Aasen fortalde om garden og viste kring i låverestauranten. Det er ikkje lenger dyr på garden, men med god hjelp av slekt og vener har han teke vare på bygningar og kulturlandskap, noko som også er eit mål framover.
Verksemda på garden er trappa litt ned, men framleis er mange innom og feirar høgtidsdagar eller overnattar, fortalde Roar Aasen.

Når bygdekvinnelaget inviterer høyrer det med god bevertning. I Åsen fekk dei 15 som var med på årets blåtur servert eit velsmakande lunch-bord.