Flottaste bilete frå Møre og Romsdal

Karoline Aaland frå Hellesylt har sendt inn bilete i Bergene Melk sin fotokonkurranse om kåring av Norges vakreste stad. Hennar bilete av Hellesylt ligg på topp mellom innsendte bidrag frå Møre og Romsdal

Frå heile landet strøymer det inn flotte motiv. I landssamanheng har biletet til Karoline Aaland av Hellesylt frå 2008 oppnådd tredje mest stemmer av alle bidrag til no.
-Ei perle mellom fjell og fjordar, med eit lite idyllisk sentrum. Peparkakelandsby om vinteren og sjarmerande ruslesentrum på sommarstid-, skriv Karoline mellom anna om blinkskotet sitt.

Bergene Melk sin konkurranse starta 2. mai og varer i fyrste omgang til 24. juli, Det biletet som har flest stemmer i kvart fylke går til ei juryevurdering som plukkar ut fem finalistar.
Deretter er det opp til folket å stemme fram vinnarbiletet før 31. august.

Fyrste premie er 100.000,- kroner, men sjokoladeprodusenten deler også ut andre prisar både i form av fotoapparat og sjokolade til deltakarane.

Les meir om konkurransen ”Norges vakreste sted” på www.norgesvakrestested.no og stem på Karoline Aaland sitt flotte bilete av Hellesylt.