Norsk meny fall i smak

Kjøkkensjef ved Hægstad Gård, Hellesylt, Jan Kåre Gustavsen har hatt godt med besøk i restauranten med norsk på menyen. Torsdag 1. september avsluttar han sesongen med servering av potetball.

Komande torsdag blir døra stengd og sesongen er over ved service-og turistsenteret Hægstad Gård. Avslutningsmenyen er så norsk som den kan få bli, nemleg potetball.

Fantastisk kunst.
Hægstad Gård på Hellesylt huser også kunstnaren Oddvin Parr sine unike utskjeringar av Peer Gynt relieff.
Fleire grupper reisande, både norske og utanlandske har vore innom med Kari Hauso Stadheim som omvisar.
Ein utruleg kunstskatt, er kommentarane etter besøka.
Sist søndag var ei bussgruppe frå Bergen innom og drog begeistra vidare.
-Her får vi oppleve to fantastiske ting. Fyrst høyre frå historia Peer Gynt, deretter få sjå dei utruleg flotte utskjeringane til Oddvin Parr. Dette er kunst av sjeldan klasse-, var ein av kommentarane i reisefylgje.