av 
HUL-teatret er i rute med ny folkekomedie til fjerde juledag på Sunnylven samfunnshus. Ei lang øvingshelg med innleigd instruktør har gjeve nyttige innpuls, fortel teaterleiinga.
Det var nære avlysning av årets romjulsspel med HUL-teatret i jubileumsåret. For få veker sidan mangla fleire aktørar på rollelista, men etter annonsering i media og på denne nettsida, kom skodespelarane på plass og øvingane går for fullt.
Stykket har ni roller og er ei farse i to akter som begge er på rundt 60 minutt
”Lyst på livet” er oppdikta av to engelske forfattarar. I romjula blir handlinga frå London vist på Hellesylt frå scena på Sunnylven samfunnshus,
-Vi skal rekke fjerde juledag og for eit stykke. Det er eit spel fullt av gode replikkar og raske skiftningar, så dette skal bli bra, lovar teaterinstruktør Jan Fredrik Grøndal Henriksen frå Oslo. Han er omreisande instruktør for Noregs Ungdomslag, og i tillegg jobbar han som regissør både innan teater, film og TV.
Frå fredag til søndag har teaterleiing, instruktør og skodespelarar gått gjennom stykket for å forstå innhaldet og måten det skal spelast på. No startar pugging av replikkar for alvor.
Om tre veker er NU-instruktøren tilbake for å følge opp innstuderinga av årets romjulsspel med HUL-teatret.
