Invasjon av kråkefuglar
Flokkar av Kaier har besøkt Sunnylvsbygda i det siste. I mange dagar har fleire hundre små, svarte kråkefugar forflytta seg rundt og beitar på dyrka mark.
Vi slo opp i fugleboka og fann ut at dette var eit litt eksklusivt besøk på våre kantar. Kaier er sjeldan å sjå på Vestlandet, men ruger i sør-Norge kring Mjøsa, i Stavanger-området og indre Trøndelag.
Dei små svarte fuglane, ca. 35 cm. med grått nakkepart og kvitaktige auge, inngår livsvarig ekteskap med kvarandre og hekkar i kyrkjetårn eller under låvetak, i skorsteinspiper, radiomaster, ruiner, hule tre eller bergveggar i april / mai.
Føda er insekt, ormar, sneglar, avfall, åtsel eller korn.
Kaier overvintrar som streiffuglar i Norge, andre dreg til britiske øyer i oktober / november.