Til NM med nytt produkt.

Dagleg leiar Ole Arnstein Ringdal reiser til NM i kjøttvarer med fleire produkt frå bedrifta, mellom anna med Hellesyltpølsa.

Dagleg leiar Ole Arnstein Ringdal reiser til NM i kjøttvarer med fleire produkt frå bedrifta, mellom anna med Hellesyltpølsa.

Kjøttvarebedrifta Ole Ringdal A/S deltek i NM i kjøttvarer med mellom anna Hellesyltpølsa, eit nytt produkta frå Hellesylt-bedrifta.


NM i kjøttvarer blir halde i Oslo 10. november. Rundt 50 bedrifter deltek kvart år i denne konkurransen som er knakkhard.
-Der blir det kamp om medaljene, seier dagleg leiar ved Hellesylt-bedrifta Ole Arnstein Ringdal. Han har for vane å kome heim med både diplom og edelt metall frå tevlinga.

I år presenterer bedrifta på Hellesylt eit nytt produkt, ei ferskvare som har fått namnet Hellesyltpølsa.
Dette er ei middagspølse, både røykt og urøykt, laga som små skinnfri grillpølser, eller i ring. Innhaldet er etter ei gamle, lokal oppskrift for ei hjortepølse, men der hjortekjøtet er bytta ut med storfekjøt. Den grøvhakka pølsa inneheld elles svinekjøt, fårekjøt og krydder.

Ole Ringdal A/S presenterte produktet første gong under matfestivalen i Ålesund og har fått gode tilbakemeldingar. No er den å få kjøpt hos dei fleste kjeder innan kolonialhandel, og den blir levert til hotell og institusjonar.
Dagleg leiar er spent på kva mottaking pølsa får av testpanelet under NM.

Fredrik Stadheim

Fredrik Stadheim

Fredrik Stadheim. epost: fredrik@hellesylt.info Telefon: 900 83 380