Stormskada småbåthamn utbetra

Også småbåthamna på Hellesylt fekk merker etter uveret i jula i fjor. Flytebrygger vart skada og det same vart moloen ut mot fjorden. No har Hellesylt småbåtlag fått utbetra skaden.

Under stormen i romjula gjekk sjøen høgt på Hellesylt. Bølgene slo også over moloen i småbåthamna, noko som førte til at deler av fyllinga rausa vekk

No har småbåtlaget teke kostnaden med skaden og fått den reparert. Det har blitt køyrd på ny masse og i tillegg er det sett opp ein kant av store steinar ut mot fjorden som skal fungere som bølgebrytarar når neste uver kjem.

Det er Sunnmørsalpane i miniatyr som står her på rekke og rad, skjemtar Alf Muldsvor, maskinentreprenør som har gjort jobben med å utbetre skadane. Dei store steinane er frå tunneldrivinga på Ljøvegen.

Fyllinga mot badestranda er også blitt steinsett, og i tillegg er alt grusa opp. Eit utbetring –og vedlikehald som har gjeve småbåthamna på Hellesylt ei flott standardheving.
Laurdag 12. mai er det annonsert dugnad i småbåthamna på Hellesylt der mellom 70 og 80 har båtplass.