Trimtreff på appelsinhaugen
Friidrett/trimgruppa i Sunnylven IL inviterte til årets første trimtreff på skjærtorsdag. Dagen er i påskeveka og sjølvsagt var treffstaden då appelsinhaugen i Terdalen, eller Høgane som poengposten heiter.
Først til trimposten skjærtorsdag var tre unge sprekingar frå skimiljøet i Sunnylven, brørne Simen og Ottar Frøysa Hellebostad og Jørgen Ringdal Sæter. Fort gjekk det på skøyteski sjølv i dei brattaste kneikane i knappe 3. km. og 250 meter opp.
Etterpå kom mange fleire, både unge og eldre.
Trimtreffet vart godt besøkt sjølv om sola glimra med sitt fråver. I trimboka der alle får 5. poeng vart det registrert 53 personar på skjærtorsdag, og det var trimsjef Rune Hole godt nøgd med.