Dusinet fullt mot Ørsta

Sunnylven/Stranda sitt damelag møtte Ørsta borte i andre serierunde i 3. div. Det vart storsiger 12-2 for gjestane i rødt og blått.

Sunnylven/Stranda var tilbake på vinnarsporet igjen då damene møtte Ørsta 2. mai. Etter 7-0 ved halvtid vart sigeren på heile 12-2. Det smaka nok godt etter tapet mot Herd for ei veke sidan.

Fyrste omgang var god mot Ørsta, spelet foregjekk stort sett på den eine halvdelen av bana der spelarane på samarbeidslaget fann kvarandre med pasningane.
Etter kvilen kom også fleire frå innbyttarbenken inn uten at det svekka laget.

Laget som sikra seg storsiger og nye tre poeng var stort sett det same som møtte Herd, i tillegg til Ellen Marie Hole og Eline Langlo som var tilbake etter reise.

Målskorarar for Sunnylven/Stranda var:
Stine Fivelstad 5, Kirsti Frøysadal Hauge 4, Jannicke Gjerde 3.