Fekk løna i pizza

Fotballeiar Steinar Hjelle t.v. og Ramazan Øcal med ein av fleire pizza som fotballgruppa spanderte på gode medhjelparar gjennom sesongen.

Fotballeiar Steinar Hjelle t.v. og Ramazan Øcal med ein av fleire pizza som fotballgruppa spanderte på gode medhjelparar gjennom sesongen.

Onsdag kveld sette styret i Sunnylven Fotball punktum for sesongen med å invitere gode hjelparar til pizza-kveld på Øcal`s.


Invitasjonen gjekk ut til mange og til stades var trenarar, oppmenn, billettørar, sponsorar, banenemnd og leiinga i Sunnylven IL. Også med heile fotballstyret på plass var totalt 24 personar samla.

Leiar i fotballgruppa Steinar Hjelle ønska vel møtt og takka alle for innsatsen gjennom sesongen. Han håpa alle var med også neste år.

Tidlegare hadde fotballgruppa delt ut t-skjorter, gensarar eller ei anna oppmerksomheit for hjelpa frå dei mange friviljuge i klubben.
I år vart det gratis pizza og brus. Det fall i smak i hos alle, for Ramazan Øcal diska opp med ni store pizza. Då var alle godt forsynt.

Fredrik Stadheim

Fredrik Stadheim. epost: fredrik@hellesylt.info Telefon: 900 83 380