Sunnylven årets jenteklubb i fotball
Under Sunnmøre fotballkrets sin fotballgalla fredag kveld vart Sunnylven kåra til årets jenteklubb. Prisen var diplom og sjekk på 10.000.- kroner.
Fotballeiar Steinar Hjelle og styremedlem Per Kjell Leite representerer Sunnylven under samlinga i Ålesund. Og det var ein nøgd fotballeiar som kunne melde om den gledelege kåring.
I klassa årets jenteklubb var Sunnylven nominert saman med Hødd og Hasundgot.
Sunnylven vann kåringa der juryen hadde lagt vekt på at klubben driv generelt godt innan jentefotball.
– Av ni påmelde lag var fem jentelag,
– Sunnylven hadde mange kvinner i styreleiing.
– Klubben hadde fleire som trenarar og lagleiarar.
Andre kåringar under fotballgallaen.
Årets breddeklubb vart Stordal
Årets fotballkommune; Giske
Fair Play- prisen: Emblem
Årets dommarklubb: Valder.
Laurdag er det kretsting i Sunnmøre fotballkrets. Der får Sunnylven tildelt statuett og diplom for KM-tittelen i fotball 6. divisjon herrer.