Sunnylven sanitetslag med fastelavnstre

Eit stort bjørketre skal pyntast med fargeglade fjør på laurdag.

Eit stort bjørketre skal pyntast med fargeglade fjør på laurdag.

Sunnylven sanitetslag inviterer næringslivet og privatpersonar til å bidra med pynt til eit fastelavnstre på Peer Gynt Galleriet. Ei stor bjørk skal oppstasast med store fargerike fjør.

I samband med fastelavn arrangerer Sunnylven sanitetslag laurdagskafe 9. februar på Peer Gynt Galleriet. Kafeen blir open mellom kl. 11.30 – 14.30.

Det blir sal av kaffi, saft, smultbollar og vanlege bollar som kan fyllast med sylte og krem.
I tillegg sel sanitetslaget fastelavnsris til 50.- kroner og nye profileringsprodukt, koppar og skåler som er spesielt laga for fastelavn, opplyser styret.

Som nemt skal det pyntast eit fastelavnstre. Ei stor bjørk vil bli plassert i inngangspartiet på Peer Gynt Galleriet. Til pynt sel sanitetslaget store fargeglade fjør som kostar 20.- kroner kvar.
Leiinga i sanitetslaget utfordrar bedrifter og privatpersonar til å kjøpe fjør og støtte tiltaket slik at det blir eit flott tre som kan symbolisere den dugnadsglede og initiativ som sunnylvingar er så stolte av.

Styret i Sunnylven sanitetslag har vedteke at overskotet frå sal av fastelavnsris og store fjør skal gå til lysstolpe ved inngangen til Peer Gynt Galleriet,

Fredrik Stadheim

Fredrik Stadheim

Fredrik Stadheim. epost: fredrik@hellesylt.info Telefon: 900 83 380