Attval i Gamleskulen Aktivitetsmuseum
Heile styret med styreleiar vart samrøystes attvald då Gamleskulen Aktivitetsmuseum heldt årsmøte. Foreninga som vart skipa i fjor for å ta vare på det gamle skulebygget på Hellesylt har fått mange medlemmar siste året.
Etter vedtak i Stranda kommunestyre i september i fjor fekk foreninga Gamleskulen Aktivitetsmuseum kjøpe skulebygget frå 1898. Like etter starta arbeidet med å utbetre taket.
Det er utført over 70 dugnadstimar til no og arbeidet vil halde fram like over påske.
Styret rettar i årsmeldinga stor takk til alle som har delteke på dugnadar, og håper mange vil ha høve til å delta også når arbeidet startar opp igjen.
Målet er å fullføre arbeidet med renovering av taket våren 2013, vart opplyst under årsmøtet.
Foreninga har fått mange nye medlemmer. Totalt kom det inn vel 60.000.- kroner i kontingent og gåver frå private i 2012.
Medlemskontingenten vart vedteken til kr. 100.-
Leiinga i Gamleskulen Aktivitetsforening planlegg å ha open skule under Somardagar på Hellesylt i juli. Til då skal det også ryddast og vaskast inne der det er samla mykje skulemateriell som var i bruk fram til skulen vart nedlagt kring 1955. Skulen skal bli eit eksempel på ei skulestove slik det var i ”gamle dagar”.
Val.
I styret stod Liv Jorunn Sporstøl og Odd Jostein Bjørdal på val. Begge tok attval og styret for Gamleskulen Aktivitetsmuseum er.
Leiar: Kari Hauso Stadheim
Nestleiar. Marit Ljøen
Skrivar: Odd Jostein Bjørdal (attval)
Kasserar: Solfrid Onsøien Lien
Styremedlem: Liv Jorunn Sporstøl (attval)
Varamedlemmer:
1. Astrid Langeland
2. Arne Ringdal
3. Fredrik Stadheim
Valnemnd:
Eldrid Skrede
Roar Ljøen
