Folkemusikk møter opera i Sunnylven kyrkje
Torsdag kveld held mezzosopran Mari Askvik og kantor Carolin Eide konsert i Sunnylven kyrkje. På repertoaret står både opera og folkemusikk.
Mari Askvik er frå Leikanger i Sogn og Fjordane.
25-åringen har bachelor i klassisk song og opera og er for tida masterstudent ved Operahøgskulen i Oslo.
Mari Askvik har hatt roller i kjente operaoppsetjingar og teke songtimar med fleire, mellom anna Randi Stene og Solveig Kringlebotn. Ved sidan av studiar opptrer ho ved arrangement i fleire samanhangar.
Mari har vakse opp med ein familie der folkemusikk har vore aktiv og utbreidd, noko som enda med ei juleplate frå familien i 2011. Folkemusikk har ho teke med som del av konsertrepertoaret.
Saman med kantor Carolin Eide på piano syng Mari Askvik både folkemusikk og operasvisker frå Mozart, Händel og Rossini i Sunnylven kyrkje tordag 11. juli kl. 20.00.
Det er gratis inngang, kollekt ved utgangen.