av 
Søndag 4. august er det gudsteneste på Flofjellet, ei felles samling mellom kyrkjelydane i Stryn og Sunnylven.
Det er vikarprest i Sunnylven og Geiranger, Morgan Berg som held preika i år. Dette går på omgang mellom prestane i dei to kyrkjesokna.
Gudstenesta på Flofjellet har tradisjon langt tilbake i tid. Før 1940 var dette ei årviss samling, men så låg den nede i mange år, heilt fram til 70-talet.
No har sommartreffet på fjellet mellom folk frå Stryn og Sunnylven blitt tradisjon igjen.
Frå Hellesylt sentrum til ”kyrkjestaden” på fjellet er det to mil. Turen på sju kilometer til fots frå Vollset tek ca. 90 minutt.
Gudstenesta søndag 4. august startar kl. 12.00.
